Шинээр илэрч буй халдварын тоо өсөж буйтай холбоотойгоор ЭМЯ-наас Үндэсний баяр наадмыг тэмдэглэхгүй байх санал гаргасан тухай зарим хэвлэл мэдээллийн хэрэгслээр мэдээлэв.
Үүнтэй холбоотойгоор ЭМЯ-ны хэвлэлийн төлөөлөгч Б.Ууганбаяраас энэ талаар тодруулахад “ЭМЯ-наас Үндэсний их баяр наадмыг тэмдэглэхгүй байх санал гаргаагүй. Одоогоор яригдаж байгаа зүйл алга байна” гэлээ.
Өнөөдөр буюу зургаадугаар сарын 13-ны өдөр улсын хэмжээнд нийт 2188 хүнээс халдвар илэрч, 10 хүн нас барлаа. Улмаар манай улсад бүртгэсэн нийт тохиолдол 76084 болж, нийт нас баралт 361-т хүрэв.
