2026 онд залуусын дунд веган болон ургамлын гаралтай хооллолт үргэлжлэн нэмэгдэж байна. Гэхдээ энэ өөрчлөлт нь зөвхөн тодорхой нэг “identity”-тэй холбоотой байхаас илүү практик сонголт болж байна.
Амьдралын өртгийн өсөлт болон уур амьсгалын өөрчлөлтийн талаарх түгшүүр нь залуусын гол асуудал хэвээр байгаа бөгөөд үүний үр дүнд боломжийн үнэтэй, хүртээмжтэй үедээ ургамлын гаралтай хоолыг өдөр тутамдаа сонгох хандлага нэмэгдэж байна.
Зөвхөн хатуу веган хооллолтоос гадна flexitarian буюу зарим өдөр мах, сүүн бүтээгдэхүүний хэрэглээг багасгах, тодорхой бүтээгдэхүүнийг ургамлын гаралтай хувилбараар солих хандлага хүчтэй болжээ.
Иймээс ургамлын гаралтай уураг болон сүүн бүтээгдэхүүний орлуулалтын брэндүүд шинэ содон байдлаар бус харин үнэ, амт, шим тэжээл, найрлагын ил тод байдал дээр өрсөлдөж байна.
Ресторан болон хоол үйлдвэрлэлийн салбар ч ургамлын гаралтай сонголтыг ердийн цэсний нэг хэсэг болгож байна. Ингэснээр ургамлын гаралтай хооллолт нь “тусгай дэглэм” гэхээсээ илүү энгийн сонголт болж байна.
Ерөнхийдөө 2026 оны чиг хандлагыг “ургамлын гаралтай, гэхдээ практик” гэж тодорхойлж болно. Залуус мөнгө хэмнэж, өдөр тутмын амьдралдаа нийцүүлж, эрүүл мэнд болон үнэ цэнийн тодорхой ашиг хүртэж чадвал энэ чиг хандлагыг илүү хурдан хүлээн авна.
Эх сурвалж: TechSci Research — Global Youth Trends.
