Л.Оюун-Эрдэнэ: Цар тахлын үеийн бүх хязгаарлалтыг цуцаллаа

Өндөржүүлсэн бэлэн байдлын зэргийг “Улбар шар” түвшнээс “Шар” түвшинд шилжүүлж, гамшгаас хамгаалах өндөржүүлсэн бэлэн байдлыг цуцлахаар боллоо. Ингэснээр ямар ч үйл ажилагааг хязгаарлахгүй бөгөөд зарим зйлчилгээний газар цагийн хязгааргүй ажиллах нөхцөл бүрдэнэ. Харин халдвараас урьдчилан сэргийлэх үйл

ажиллагааг зохицуулах талаар мэргэжлийн байгууллагын гаргасан заавар зөвлөмжийг аж ахуйн нэгж мөрдөх юм. Энэ талаар Ерөнхий сайд Л.Оюун-Эрдэнэ “Халдвар хамгааллын эрсдэлийн үнэлгээнд тулгуурлан олон улсын зорчих хөдөлгөөнд бүрэн нээлттэй улс болсноо зарлаж байна. Ингэснээр иргэд амны хаалтаа зүүж, хүн

хоорондын зайгаа барьж, гараа ариутгаж, вакциндаа идэвхтэй хамрагдахаас бусад цар тахлын үеийн бүх хязгаарлалтыг цуцаллаа. Хөрөнгө оруулагч, жуулчдыг вакцины бүрэн тунд хамрагдсан бол хүлээн авна. Мөн хамрагдаагүй бол Монгол Улсад ирж вакцинд хамрагдах боломжтой.

Өнгөрсөн хугацаанд Засгийн газрын амаргүй шийдвэрт хүлээцтэй хандаж, вакцинжуулалтдаа идэвхтэй хамрагдсан иргэд, ААН-үүддээ баярлалаа. Гэхдээ цар тахал дуусаагүй учир халдвар хамгааллын дэглэмийг баримталж, вакциндаа хамрагдахыг уриалж байна” гэлээ.

ЭХЭМҮТ-ийн эмч нар Говь-Алтай аймгийн эмч нартай хамтран дөрвөн сартай нярай хүүхдэд мэс засал хийж амь насыг аварсан байна. Дээрх төвийн Ерөнхий мэс заслын тасгийн эмч, клиникийн профессор А.Цэнджав, мэдээгүйжүүлгийн эмч

С.Сэргэлэн нар энэ сарын 7-нд буюу өнгөрсөн даваа гаригт яаралтай дуудлагаар аймгийг зорьжээ. Дөрвөн сартай нярай улаанхоолой, 12 хуруу гэдэсний хавсарсан битүүрэлтэй төрсөн тул мэс засал хийж амь насыг аварсан байна.

Д.Оюунсувд: Зохистой хооллолтын хамгийн эхний зарчим нь бага багаар, ойр ойрхон идэх: ТТАХНЭ-ийн эмнэл зүйн хоол зүйч Д.Оюунсувд “Эрүүл зохистой хооллолт” сэдвээр зөвлөгөө өглөө. Зохистой хооллолтын талаар тайлбарлахгүй юу? Хүний өсөлт, хөгжил, амьдралыг тэтгэгч нь хоол хүнс байдаг. Үүнээс бид нүүр ус, уураг, өөх

тос зэрэг үндсэн шимт бодисыг авахаас гадна амин дэм, эрдэс бодис, ус зэргийг авч байдаг. Үндсэн шимт бодисууд нь бидний энергийн гол эх үүсвэр бол амин дэм, эрдэс бодис, ус нь бидний бодисын солилцооны үйл ажиллагаанд оролцдог. Эдгээр шимт бодис, амин дэмийг хоол хүнснээс авахдаа өөрийн нас, хүйс, онцлог,

амьдралын хэв маягтаа тохируулан хэрэглэхийг л зохистой хооллолт гээд байгаа юм. Тэгэхээр зохистой хооллолт гэдэг нь хатуу чанга дэглэм биш гэсэн үг. Зохистой хооллохын тулд юуг анхаарах вэ? Зохистой хооллолтын хамгийн эхний зарчим нь бага багаар, ойр ойрхон идэх. Энэ нь хэт их идэхгүй, удаан хугацаанд

өлсөхгүй байх боломжийг олгодог. Бид өглөө, өдөр, оройн хоолыг тогтмол идэхээс гадна хажуугаар нь хөнгөн хооллолтыг төлөвлөх хэрэгтэй. Мөн хоёрдугаар зарчим нь өнгөөр хооллох байдаг. Хүнсний бүтээгдэхүүн авахдаа маш олон төрлийн, өөр өөр өнгөтэй хүнсийг сонгох хэрэгтэй. Ингэснээр өөрт хэрэгтэй амин дэм, эрдэс

бодисыг хангалттай авч чадна. Харин гуравдугаарт нь тэнцвэртэй хооллох хэрэгтэй. Нийт хүнсний бүтээгдэхүүнийг зургаан нэр төрлөөр ангилдаг. Үүнд: Үр тариа, Мах, Хүнсний ногоо, Өөх тос, Сүү, сүүн бүтээгдэхүүн, Жимс, жимсгэнэ багтана. Эдгээр нэр төрлийн бүтээгдэхүүнээс өдөр бүр бүх төрлөөс нь идэж

хэрэглэх ёстой. Учир нь хүнсний төрөл болгон өөрийн гэсэн шимт бодисыг агуулдаг. Ялангуяа жимс, хүнсний ногоог өдөр бүр заавал хэрэглэнэ. Өөрийн өдөрт авах илчлэгээ зөв тооцоолж, хүнсний бүтээгдэхүүнийг сонгох нь зөв. Үүнийг мэдэхийн тулд мэргэжлийн хоол зүйчид хандах хэрэгтэй. Дөрөвдүгээрт, түргэн хоол болон давс,

давс агуулсан хүнсний бүтээгдэхүүн, чихэр, чихэр агуулсан хүнсний хэрэглээг хязгаарлаж, тохируулан хэрэглэнэ. Эдгээр хүнс нь маш их хэмжээний илчлэгийг агуулж байдаг. Тавдугаарт, архи тамхины хэрэглээнээс татгалзана. Зургадугаарт, өдөрт 30-аас дээш минут дасгал хийх хэрэгтэй.